تعارف

ویژن:
ہِک پُر امن، خودکار، تعلیم یافتہ تے ترقی پسند ہندکو زبان دے معاشرے دا قیام۔
مشن:
ہِک پائیدار ترقی بمع تعلیم، صحت، رسل و وسائل تے ماحول دا ہندکومعاشرے دی مدد نال بغیر کسی منفی تے مذہبی تفریق دے قیام۔
مقاصد:
1۔ علاقے دے لوکاں اُنہاں دی مادری زبان بِچ معیاری تعلیم توں نوازنڑاں۔
2۔ ہندکو زبان تے ثقافت آں محفوظ تے اس دی ترویج کرنا۔
3۔ ہِک معیار صحت تے ادویات دی فراہمی تے اس دی پروی دے ذریعے ہِک صحت مند معاشرے دا قیام۔
4۔ ہِک خواندہ معاشرے واستے مادری زبان بِچ بَچیاں تے عورتاں تعلیم دینڑاں۔
5۔ ہندکو زبان بچ بنیادی نصاب دی تیاری تے ترویج۔
6۔ عورتاں دی غیر معیاری تعلیم تے صحت آں بہتر بنڑانڑیں  واستے ہر ممکن کوشش کرنا۔
7۔ علمی، ادبی تے ثقافتی تقاریب دا قیام۔
8۔ اہم تے مفید مواد دا ہنکو زبان بِچ ترجمہ۔
9۔ اہجے کارنامیں دینڑاں تے مواقع فراہم کرنا جنہاں دے ذریعے غربت دا خاتمہ ہو جُلے۔
10۔ افرادی قوت آں مختلف مہارتاں، مارکیٹنگ، خوبیاں تے ذرائع دی تلاش دی مدد نال ترقی دینڑاں۔
11۔ ہر اہجی کوشش آں افرادی مہارتاں دے ذریعے مربوط بڑانڑاں جہڑی اس تنظیم دے مقاصد آں ترویج دیوے۔
12۔ سرکاری، نیم سرکاری تے ڈوننرز دے نال ادارے دی ترویج دے واستے تعاون کرنا۔
13۔ عوام الناس آں تعلیم تے صحت دے اصولاں دے بارے بِچ بنیادی تعلیم دینڑاں تے پروکاری کرنا۔
14۔ ہک تحقیقی تے تعلیمی لائبریری/تجربہ گاہ دا قیام۔
15۔ معیاری تعلیم دے واستے عوام الناس بِچ آگاہی دا فروغ۔
16۔ علاقائی ، ملکی تے بین الاقوامی سطح تے ترقیاتی اداریاں دے نال مل کے کم کرنا۔
17۔ مقامی سطح تے لوکاں دی اہجی قائدانہ صلاحیتاں اُجاگر کرنا جہڑی تعلیم دی ترویج دا باعث بنڑیں۔
18۔ امن دی بقاء، برداشت، تحمل تے ثقافتی رواداری آں ترویج دیہنڑاں۔
19۔ پاکستان دے آئین دے مطابق آئینی حقوق دی پاسداری کرنا تے انہاں دی پروکاری کرنا۔
20۔ خواتین دا فیصلہ سازی بِچ اختیار بڑھانا تے اُنہاں دی نمائندگی آں زندگی دے ہر پہلو تے بڑھانا۔